இரண்டு குரல்கள்

காலக்குரல்

அடே வைரமுத்து

உலகு மீதான உனது வியப்பு

தீர்ந்தாலும் தீருமொருநாள்

அற்றாலும் அற்றுப்பொகும்

பட்டாம்பூச்சியின் சிறகில்

பயணிக்கும் உன்னாசை

பெண்மூட்டும் உஷ்ணத்தை

வாங்கிப் பெருக்கும் வல்லமையை

செல்கள் இழக்கலாம் சிறுகச் சிறுக

போர்த்தொழில் போலும் புணர்ச்சி வேட்கை

குற்றேவலென்று குறுகியொழியலாம்

தேகத்தினுள்ளே ஒளிந்திருந்து

திடூரென்றொருநாள் வெள்ளையாய்க் குதித்துப்

பல்லில்லாதவனை மெல்லும் முதுமை

உறவுகளுக்குமுன் கிட்னியோ

கிட்னிக்குமுன் உறவுகளோ

உன்னைக் கைவிடும் திருநாள் வரலாம்

முன்பல்லில் நீ கொறித்த சூரியன்

கடைவாய்ப் பல்லில் கடித்த பூமி

அடிநாக்கில் அதக்கிய நெல்லிக்காய் நிலவு

நினைவுக்கயிறு துண்டித்தேடலாம்

மொழிகள்

அநாகரிகங்கள் ஆகிப் போக

எண்களால் மட்டுமே இயங்கலாம் உலகு

என்னதான் செய்குவை

அந்நாள் எய்துமுன்..?

கவிக்குரல்

அந்நாள் எய்துமுன்

அகோ என்

மாக கவிதைகள்!

ஐம்பூதங்களை உண்டு நிமிர்கள!

என்னில் திரண்டு என்னில் அடரந்து

உட்செல் துளைத்து உயிர்த்திரை கிழித்து

ஞான மின்னல் நாற்புறம் விசிறி

மோழிகள் உரச இடிகள் சிதறி

அண்ட சராசரம் விண்டு பொடிபட

சரசர சரவென சரமழை பொழிக!

சூரியன் அக்குள்

பூமியின் அல்குல்

ஆழ்கடல் மர்மம்

ஆகாய முதுகு

தீயின் நாவுகள்

காற்றின் சிறகுகள்

ஆதியின் முதல் நொடி

காலத்தின் கடைநொடி

எல்லாம் எல்லாம் எல்லாம் நனைக

மழையின் இழையில் மானுடம் மலர்க!

வெற்றி வேண்டுமா?

நாம் போடும் திட்டங்களைச் செயலாக்கும்போது தடங்கலாக வருபவற்றை நீக்கி வெற்றி பெறுவதுதான் நம் சாதனை. வெற்றியடைந்தே தீரவேண்டும் என்ற நோக்கமும், வெற்றி நிச்சயம் என்ற மனப்பாங்கும்தான் தேவை. 

நம் நினைப்புக்கு மாறாக நிகழ்வுகள் அமைந்துவிட்டால்?

சீர் செய்து கொள்ள சில வழிகள்;

எதிர் பாராத நிகழ்ச்சி ஏன் நடந்தது, எப்படி நடந்தது என்று அலசுங்கள்.

ஆக்கபூர்வமாக உங்களையே சுய விமர்சனம் செய்து கொள்ளுங்கள்.

தகுதியானவர்களிடமிருந்து அறிவுறை கேளுங்கள்.

அதிர்ஷ்டம், சூழ்நிலைகள்… இப்படி உங்களால் கட்டுப்படுத்த முடியாதவற்றின் மீதோ, அல்லது கட்டுப்படுத்த முடியாத நபர் மீதோ பழி போடாதீர்கள்.

எந்த கஷ்டத்திற்கும் ஒரு தீர்வு உண்டு என்று நம்புங்கள். 

உங்களுடைய செயல்பாட்டுத் திட்டங்களை மீண்டும் திருத்தி அமைத்துக்  கொள்ளுங்கள்.  

தேவையானால் மீண்டும் முதலிலிருந்தே ஆரம்பியுங்கள்.

துணிச்சலான சோதனைகளில் செயல்படுங்கள்.

எதிலாவது தோல்வி ஏற்பட்டாலும், அதிலும் நல்ல அம்சங்களைப் பாருங்கள்.

மிகப்பெரிய சாதனையாளர்களின் அடிச்சுவடுகளைப் பின்பற்றுங்கள்.

பிரச்னைகள் தலைதூக்கும் போதெல்லாம் மேற்கண்ட விதிகளைப் பின்பற்றி வெற்றி குவியுங்கள்.

MARTIN RHODES எழுதிய Personal achievement என்ற புத்தகத்திலிருந்து.