அறிதல் அறிவித்தல்

சந்தோஷத்தை முகம் முழுக்கப்

பரத்திக்கொண்டு

கண்களில் ஒளிமின்ன –

முகமன் கூறாதீர் எனக்கு

தூரத்தே நான் வரும்போதே

கைகள் உயர்த்தி

உறுசாகமாய் ஆர்ப்பரிக்காதீர் –

வரவேற்கும் விதமாக

தோளோடு அணைத்து

நா தழுதழுக்க

‘எத்தனை காலமாச்சு பாத்து’ –

என்று ஏங்காதீர்

இவையெதுவும் இல்லாமலும்

ஒரு மனசு அறியாதா

தன்னைப் போல் இன்னொன்றை.

-          ---ஸோமா வனதேவதா

   

   தவறில்லாத மனிதர் யார்? 

   யாருக்கு அவமானமில்லை. யார் முதுகில் அழுக்கு இல்லை. பொய் சொல்லாத மனிதர் உண்டா? ஏமாற்றாத தொழிலாளி உண்டா? தவறில்லாத மனிதர் யார்? ஆசை இயல்பு. ஆசையின் பால் விளையும் அபத்தமும் இயல்பு.